BTT Zentroak - Araba

Arabak eremu ezin hobea eskaintzen du mendi bizikletan aritzeko, ehunka urteko basoetan, mahastietan, troketan eta haitzarteetan zehar dabiltzan ibilbide ikusgarriekin.

Kirol honetako zaleek ibilbideen sorta zabala dute eskura, ibilbide egokiak hasi berrientzat nahiz desnibel handiak eta jaitsiera azkarrak bilatzen dituzten txirrindulari eskarmentatuentzat.

Ibilbide horietako asko lurralde historikoko bi BTT zentroetan kokatzen dira. Izkiko eta Valderejoko parke naturalen ondoan dauden zentro horiek hainbat zerbitzu eskaintzen dute, esaterako bizikleten eta GPSen alokairua, bizikleten garbiketa, dutxak eta aldagelak. Eremu babestuetan kokatuta daudenez, ahazteko zailak diren paisaia ederren artean emango ditugu pedalkadak.

Izki Arabako Mendialdea BTT Zentroak harrera gunea Urturiko golf zelaian du. Mendi bizikletaren zale amorratuen eskura markatutako 15 ibilbide jartzen ditu, zailtasun, luzera eta desnibel diferenteekin, guztira 500 kilometro. Bitxikeria gisa, Vasco-Navarro Trenbide zaharraren eta ‘Ardoaren eta arrainaren ibilbidea’ izeneko GR-38 ibilbidearen tarte batzuk aprobetxatzen ditu.

Valderejo Añana BTT Zentroaren harrera, informazio eta zerbitzu gunea Angostoko kanpinean dago. Markatutako 7 ibilbidetan 122 kilometro ditu. Ibilbide horiei esker paisaia aldetik oso diferenteak diren eremuak deskubritu ahal ditugu, esaterako Mendebaldeko Ibarrak eta Arabako Lautada, bai eta elkarren artean independenteak diren sakonune batzuek taxututako orografia bitxia ere.

Informazio Gehiago

Informazio guztia, bi zentroen ibilbideen ezaugarriak, eskaintzen dituzten zerbitzuak eta arreta egiteko orduak, helbide honetan ikusi ahal da: www.btteuskadi.net

BTT Izki Arabako Mendialdea
Arriba auzoa z.g
Urturi
Telefono zenbakia
Apirila - Urria
08:30 - 19:00
Azaroa - Martxoa
08:30 - 17:00
Posta Elektronikoa
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
BTT Valderejo Añana
Villanañe-Angosto errepidea, 2
Angostoko kanpina (Villanañe)
Telefono zenbakia
Otsailak 15 - Abenduaren 15
09:00 - 21:00
Posta Elektronikoa
Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Kokalekua

Bi zentroetara iristea erraza da Gasteiztik nahiz probintzia mugakideetatik. Izki Arabako Mendialdea BTT Zentroa Gasteiztik 40 kilometrora soilik dago, A-2124 edo A-132 errepideetatik. Valderejo Añana BTT Zentroa, berriz, antzeko distantzian dago A-1 errepidetik.

Lotura

Euskadi BTT Zentroak

Irudiak