Jazzaldia Gasteizko kaleetara itzuliko da bere 45. edizioan - arabaturismo

Gasteizeko Jazzaldia jazzaren zalerik leialenak bilduko ditu uztailaren 12tik 17ra. Bi urteko etenaldiaren ondoren, Jazzaldia hiru eszenatokirekin itzuliko da euskal hiriburura: Mendizorrotza, Principal Antzokia eta aurtengo nobedadea, jazza kalean. Musikari finkatuek eta promesa berriek inprobisazioz, musikaz eta jazzez beteko dituzte kaleak.

Aurtengo berrikuntza nagusia Jazza Parkean ekimena izango da. Izan ere, Prado parkean doakoa izango den hirugarren eszenatokia egongo da. La Sra. Tomasa, Travellin’ Brothers edo Magali Sare & Manel Fortiá bezalako artistek etenik gabe joko dute Mendizorrotzako kontzertuak hasi baino lehen. Gainera, genero musikal hau maite dutenek jam session-ez gozatzeko aukera izango dute Cyrus Chestnut -en hirukotearekin.

Jazzaldiaren 45. Edizioak hainbat artista ospetsu izango ditu, besteak beste, Eliane Elías, Mirror mirror aurkeztuko duen brasildar interpretea. Gainera, Arturo Sandoval tronpeta-jotzaile kubatarrak bere maisutasuna erakutsiko du. Europako joera berritzaileenak ezagutuko ditugu Theon Cross musikari britaniarren eskutik, eta Kataluniatik, Xavi Torresek jazz, erritmo afrikar eta harmonia klasikoen fusio bereziarekin gozatuko gaitu. Itxiera Kase O raperoak jarriko du bere Jazz Magnetism albumaren hamargarren urteurreneko biran.