ARABAKO PLAZETAN eu - arabaturismo

Arabako plazetan, Circuito de artes de calle de Álava delakoaren bigarren edizioak 33 antzerki, clown, dantza eta zirku ikuskizun programatu ditu lurraldeko beste hainbeste udalerritan, eta 21 konpainia arituko dira maiatzetik irailera bitartean.

Foru Aldundiko Kultura eta Kirol Departamentuak, udal bakoitzak eta Artekale Euskal Herriko Kaleko Arteen Elkarteak (arte eszenikoen profesionalen elkartea) antolatzen dute.

Artekale 2004an sortu zen, kale-arteak euskal lurraldean balorizatzeko, sustatzeko eta zabaltzeko asmoz. Izaera berezia eta bakarra du, sektoreko hainbat profesionalek bat egiten baitute bertan: artistak, jaialdiak eta banatzaileak. Guztiak kaleko artea duintzeko helburuarekin.

Programa honen helburuen artean, lurraldean arte eszenikoak zabaltzea eta sustatzea dago, eskaera berriak kontuan hartuz eta eraginez, kaleko arteen ikuskizunen eskaintza herri guztietara helaraztea eta tokiko sorkuntza sustatzea arte eszenikoen esparruan, Arabako konpainiei erakusketa-aukerak irekiz.

Aurten bada berrikuntza garrantzitsu bat, Zirkuituak izen propioa izango baitu aurrerantzean: Arabako Plazetan, eta, horretarako, datozen urteetan Zirkuituarekin batera joango den irudi bat diseinatu da. 2021eko edizio honetako irudia eta kartela Vitoria-Gasteizko zero kilometroko konpainia batek sortu ditu.

Informazio gehiago >