Ametsen Robleda - arabaturismo

Aiaraldeko Kexaako Ametsen Robleda benetako harribitxi naturala da, haritz-baso handientsu baten edertasuna estatuko eta nazioarteko 25 artisten sormenarekin uztartzen duena. Proiektu hau, gainera, ekimen solidario gisa sortu da, eta Euskadi osoko 25 GKEren (Gobernuz Kanpoko Erakundeak) lana agerian uzten du.

Aire zabaleko arte-galeria berezi baten aurrean gaude. 2021ean sortu zen, Arcos de Quejana Hotel-Jatetxearen sorreraren 25. urteurrena zela eta, lehendik zuten baso solidarioa handitzeko helburuarekin.

Proiektua gauzatzeko, kontu handiz aukeratu ziren 20 haritz sendo, eta horietako bakoitza mihise bizidun bihurtu zen 25 artistentzat.  Artista horiek beren talentua eta sormena eman zuten enbor bakoitza kolore eta formen paleta aberats batekin margotzeko.

Ametsen Robleda leku magiko eta ezinbesteko bisita bihurtu da mundu guztiarentzat. Baso honek sortzen duen giro paregabe eta inguratzailean murgiltzea, esperientzia ahaztezina da.

Gainera, parte hartu duten artista guztien artea estimatzeko aukera izango duzu, baita GKEek egiten duten lanari buruz gehiago  ezagutzeko aukera ere izango duzu. Arteak, naturak eta elkartasunak gizartean eragin positiboa izateko nola bat egin dezaketen erakusten duen beste adibide bat da proiektu hau.

Aiarako harana bisitatzeko aukera baduzu, ezin duzu galdu Ametsen Robledan murgiltzeko aukera eta giro magiko batean biltzen uzteko esperientzia, bere edertasun naturalaz eta esanahiz beteriko artelanez gozatzen duzun bitartean.

Ametsen Robleda larunbat eta igandeetan zabalik egoten da 12:00etatik aurrera, eta bisita egiteko erreserba egitea beharrezkoa da.

Ordutegia eta Erreserbak