Gabonetako magia Gasteizera iritsiko da - arabaturismo

Gabonak hurbil ditugu, eta Gasteiz familiarekin eta lagunekin gozatzeko hainbat plan eskaintzen ditu egun hauetan. Egitaraua, azaroaren 26an ireki zen ofizialki, hiriko Gabonetako argiak eta Andre Maria Zuriaren plazan kokatutako Gabonetako zuhaitz erraldoiaren argiztapenarekin. Hona hemen jarduera nabarmenetako batzuk Gabon hauetarako:
 

Floridako Jaiotza

Jaiotz Monumentala, urtez urte bisitarien eta lokalen milaka begiradak erakartzen dituen klasiko bat da. 1962tik, Florida parkea, eskala handiko jaiotz batekin eta tamaina errealeko irudiekin osatuta dago. Espazio horretan, gremio guztien irudikapenak ikus ditzakegu, nekazarien, harakinen, eltzegileen, errementarien eta arrantzaleen irudiekin. Baina bisitariek gehien espero duten lekua, Floridako Parkeko Haitzuloa da, Jesus haurraren jaiotzarekin. Bertan, igarotzen diren pertsonen dohaintzak jasotzen dituen saski txiki bat dago, leku horretako espazioak eta irudiak birgaitzeko erabiltzen dena. Jende askorentzat, munduko jaiotz politenetako bat da.

Ardoaraba

Ardoaraba, egun hauetan gehien espero den ekitaldietako bat bihurtu da Gasteizen. Konstituzioaren zubiaren hasieran egiten da, abenduaren 3tik 7ra, Arabako hiriburua ardoaren, gastronomiaren eta gourmet produktuen kulturaren agertoki bezala bihurtzen duen ardo-azoka. Arabako Errioxako ardoak izango dira berriro protagonistak, sagardo, txakolin eta pintxoekin batera. Esperientzia enologiko bat hiriaren erdigunean.
 

Aurten, karpak Probintzia Plazan, Plaza Berrian eta Foruen Plazan egongo dira, baina inguruko tabernetan ere trukatu ahal izango dira kupoiak.

Floridako izotz-pista

Abenduaren 16tik urtarrilaren 8ra, Floridako kioskoa inguratzen duten gabonetako argiekin patinatzeko aukera izango duzu. Aurreko urteetan bezala, izotz-pista bat egongo da, baina baita txirristak, helduentzako atsedenlekuak eta pista nagusitik aparte dagoen ikasteko pista gune bat.
 

Gainera, aurten izotz-pistaren ondoan, km0 produktuen gabonetako azoka bat jarriko dute.

Kandelen gaua

Urtez urte, Gabon Gauaren aurreko ostiralean, kandelen gaua ospatzen da Gasteizko Erdi Aroko Hirigunean. Merkatari eta ostalari askorentzat, Eguberrien hasiera markatzen duen tradizioa da, 13.000 kandelak Erdi Aroko Almendra argiztatzen dutenean. Gau magikoa antzerkiaz, dantzaz eta ardo beroaz gozatzeko aukerarekin.
 

Plan bereziz betetako Gabonak dituzu Gasteizen.