Xabier Santxotena artista, Jorge Oteizaren jarraitzailea, egurraren artisautzari tradizioz lotutako familia batean jaio zen eta hainbat eta hainbat pieza bitxiren egilea da. Artziniega herrian dagoen museo lantegi honetan ikus daiteke haren lana.

Bisitariak haren bildumaz gozatu ahalko du, eskultorearekin berarekin batera, bisitaria artearen munduan eskultore bat balitz bezala murgilduko duen esperientzia paregabe eta aparta baten bidez. Museoaren formatu originala eta paregabea, inor axolagabe utziko ez duena.

Instalazioak ikusmen-gabeziak dituzten pertsonentzat egokituta daude braillez idatzitako informazioaren bitartez, eta oztopo arkitektonikorik gabe dago, mugikortasun urria duten pertsonek bisita errazago egin dezaten.

Kokalekua

Artziniega Gasteiztik 55 kilometrora dago, Arabako iparraldean, eta Bilbotik 28 kilometrora. Arabako hiriburutik N-622 eta A-624 errepideak hartu behar dira; Bilbotik, aldiz, BI-636 eta BI-2604 errepideetatik edo AP-68 autobidetik heltzeko aukera dago. Garraio publikoa ere erabil daiteke, autobusez eta trenez.