Umbra Light Festival Gasteizen - arabaturismo

Umbra Light Festival jaialdiak argiz, artez eta magiaz beteko ditu ostegun, ostiral eta larunbat honetan Gasteizko plaza eta eraikin enblematikoak. Argia 3 kultur elkarteak antolatu du argi-artearen jaialdi hau, Arabako Foru Aldundiaren, Gasteizko Udalaren eta Eusko Jaurlaritzaren babesarekin.

Umbra Light Festival jaialdiaren hirugarren edizioa sorpresaz beteta dator. Ibilbidea elkarrekin lotutako 23 instalazio osatzen dute, "Enpatia" lelopean konektatuta, hiri-espazio berriekin eta orain arteko artista kopuru handienaren parte-hartzearekin.

Antolatzaileek artistei eskatu diete kontzeptu hori bultza dezatela eta ikusleak gonbida ditzatela gogoeta egitera norbera inplikatzeak gizarte orekatuagoa lortzeko duen garrantziaz.

Andre Maria Zuriaren plaza, Espainia plaza, Santa Maria Katedraleko kripta eta elizpea, Prado parkea, Arte Ederren Museoko lorategiak, Frai Frantzisko pasealekua, Arkutxoak, Eusko Legebiltzarra, Ur Gordailua, Escoriaza Esquivel jauregia edo San Migel eliza dira jaialdiko guneetako batzuk.

Zenbait barne-espazio erantsi dira, hala nola Vital Fundazioaren erakusketa-gunea eta Europa Biltzar Jauregia.

Hona hemen edizio honetako lanik aipagarrienetako batzuk:

Kymatic, San Migel elizako arkupean egongo dago. Bertan, Añanako Gatz Haraneko gatza erabiliko da, eta ikusleek zientzia zinetikoa esperimentatu ahal izango dute tresna interaktiboen bidez.

Cloud, Fray Francisco de Vitoria pasealekuan kokatua, bonbilla-hodei bat aurkeztuko du gainazalean “tximistargiak” sortuz.

Exponential lanak ispiluzko kubo bat izango du, klima-aldaketaren erronkei aurre egiteko eta kolektiboki jarduteko beharrari buruz hausnartzeko, hondamendi ekologiko handiagoak saihesteko.

Ordutegia 19:00etatik 22:00etara da, instalazio batzuetan ordutegi bereziak izan ezik.

Informazio guztia eta programa osoa hemen.