Blog - arabaturismo
Zulueta jauregia, Arte Ederren Museoan aurki dezakezu. Gaur egun, Gasteizko eraikinik bereizgarrienetako bat bihurtu da, Fray Francisco pasalekuan kokatuta; hiriaren bihotzean. 1941-ean Arabako Foru Aldundiak erosi zuen, eta hortik aurrera jendeari irekitako museo bat bihurtu zen, doako sarrerarekin.
Jauregiak, soto bat eta hiru altuera ditu, elementu errenazentista, klasiko eta gotikoekin. Gainera, leiho handietatik, argi naturala sartzen da eta barruan dagoen kapera argiztatzen du. Kanpoaldean, lorategi eder bat aurki dezakezu, non jendeak argazki ugari ateratzen ditu. Gainera, bikote askok leku hau aukeratzen dute beren ezkontza-erreportajeko argazkiak egiteko.
Gaur egungo museoari dagokionez, 1850-1950eko euskal artean espezializatutako bildumaz goza dezakezu, Juan Ángel Sáez eta Juan de Barroeta bezalako artisten artelanekin. Baita, artelan inpresionistak eta postinpresionistak ere badaude, Dario de Regoyos, Francisco Iturrino edo Aurelio Arteta bezalakoak.
Ignacio Díaz de Olano, Arabako pinturaren pertsona garrantzitsuenetako bat, leku berezia dauka museoan, honako artelan hauekin: “El restaurante” edo “La vuelta de la romería del Calvario”. Zalantzarik gabe, artelan hauek museoa bereziagoa egiten dute. Bilduma horiez gain, museoak aldi baterako erakusketak eta bisita birtualak ere baditu.
Jauregia eta museoa pixka bat gehiago ezagutu nahi badituzu, web orri hau informazio guztia eskaintzen du.
Urteko zubirik beldurgarriena dator: Halloween gaua eta Domu Santu eguna. Hiriak misterioz, beldurraz eta festaz beteko dira. Askok, bidaiatzeko, deskonektatzeko eta gabonei begira energia berrituekin itzultzeko aprobetxatzen dituzte egun hauek. Oraindik ez badakizu zer egin egun hauetan, Araba bisitatzeko lau ideia emango dizkizugu:
Gasteizko Nazioarteko Antzerki Jaialdia
Nazioarteko Antzerki Jaialdiaren 47. edizioa ospatuko da Gasteizen urriaren 1etik abenduaren 4ra. Estatuko eta nazioarteko 34 ikuskizunez osatutako ekitaldi honetan, txikiek: zirku, dantza, txotxongilo eta pailazoez gozatzeko aukera izango dute; helduek, aldiz, antzerkia eta arte eszenikoen magiaz. Plan ezin hobea da artea eta kultura bultzatzeko zure oporretan.
Argazkia: Nazioarteko Antzerki Jaialdia
Añanako Gatz Harana
Araban dauden plan ugarien artean, Añanako Gatz Harana beti izaten ohi da bisitarientzako lehen aukera. Izan ere, munduko gatz-fabrika zaharrenetako bat da 6.500 urte baino gehiagoko historiarekin. Europako lehen ‘Munduko Nekazaritza Ondarearen Sistema Garrantzitsua’ gisa aitortua izan da. Gatz Haranak esperientzia ugari eskaintzen ditu: spa-gazia, iturburuak, gatza egiteko tailerra edota bisita gidatuak. Bisita amaitzean, herritik paseatzeko eta bertako gastronomia zoragarriaz gozatzeko aukera izango duzu zure oporrei amaiera bikaina emateko.
Gasteizko horma-irudien ibilbidea
Zubi honetan Gasteizko kaleetan zehar galtzea beste aukera zoragarri bat da. Erdi Aroko hiriguneko fatxadetan aurkituko dituzu margotutako artelan ugari eta horietako bakoitzak zer irudikatzen duen jakiteko, Gasteizko Udalak ibilbide gidatuak egiten ditu. Obra horiek ezkutatzen dituzten istorioak ezagutzeko aukera izango duzu alde zaharreko kaleak zeharkatzen dituzun bitartean.
Abentura-parkeak
Oporrei adrenalina pixka bat bat eman nahi badiezu, Otxandiora edo Sobronera joan zaitezke. Bertan, erronkaz beteriko abentura-parkeak aurkituko dituzu. Sareak, sokak, eskailerak, zubiak eta tirolinak… zirkuituak osatzeko gainditu beharko dituzun erronketako batzuk dira. Gainera, Sobron parkean kayakean, zaldiz, paintballean eta arku-tiroan jarduerak egiteko aukera ere baduzu. Inor gera ez dadin Arabako herri horiek eskaintzen dituzten abenturez gozatu gabe.
Arabako herri politenetariko bat, Arabako Errioxaren erdian daukagu. Erdi Aroko arkitektura, zari harresitua eta upeltegiak direla eta, Laguardia inguruko lekurik bisitatuenetako bat bihurtu da. Hemendik egun batzuk pasatzeko asmoa baduzu, plan onenak azalduko dizkizugu:
Bisita upeltegira
Laguardia beste herrietatik bereizten da bere ardoagatik. Beraz, inguruko upeltegi batera joatea, plan bikaina da pertsona askorentzat. Horietako askok bisita gidatuak dituzte, ardo dastaketa bat egiteko aukerarekin, eta horietako batzuek ere bai, jateko aukerarekin. Batzuk alde zaharrean daude, beraz, ezin hobea da herria pixka bat gehiago ezagutzeko eta bisita amaitutakoan bertan geratzeko. Baina beste asko kanpoaldean daude, mahasti paisaia eder batez inguratuta.
Laguardiako Aintzirak
Mendi ibilaldi bat nahiago baduzu, Laguardiako Aintziretako pasealekua ezin hobea da zuretzat. Ibilbide honek, Laguardiako Aintzira Guneko Biotopo Babestua bisitatzeko aukera ematen digu, mundu osoan babestuta dagoena. Herriko erakargarri natural nagusietako bat da, hegazti eta landaretza ugariekin. Lau hezeguneak osatzen dute: Carralogroño, Musco eta Carravalseca eta Prao de la Paúl.
Mendi-ibiliak egiteko eta bizikletaz joateko ibilbideak daude, Arabako Errioxa osoa zeharkatzeko. Aukera onenetako bat, Arabako Errioxako Ardoaren Ibilbidea egitea da, Laguardiako jarduera ezagunenetako bat.
La Hoyako herrixka
Bitxienentzat, Hoyako herrixka oso aukera interesgarria izan daiteke. K. a. - eko XV. mendean herri hori gaur egun Arabako Errioxa izenez ezagutzen dugunaren herrigune nagusia izan zen. Orain, Hoyako herrixkak edo Hoyako museoak garai hartako bizimodua erakusten digu. Museo hau bi ataletan banatuta dago: alde batetik, interpretazio zentroa, XX. mendeko aztarnategi arkeologikoari buruzko informazioarekin eta bestetik, herrixkaren aztarnak aurki ditzakegu bere etxeen eta kaleen arkitektura ezagutzeko
Ikerketa askori esker, herrixka hori erasotu eta erre egin zutela ondorioztatu zen, eta horrek hirigune honen amaiera markatu zuen. Gaur egun, Laguardia izenez ezagutzen dugunari bide eman zion.
Irailaren 12an Olarizuko erromeria ospatuko da Gasteizen. Erromeria hau irailaren 8aren ondorengo lehen astelehenean ospatzen da, XIX. mendetik. Egun honetako gauzarik tradizionala, Olarizu mendiaren tontorrean dagoen gurutzeraino igotzea da.
Eguna, goizeko 9:00etan hasten da udal txistulari bandarekin batera mugarrien 9.9 kilometroko ibilbidea egiten. Bitartean, Olarizuko zelaiak salmenta-postu ugariekin betetzen dira eta arabatarrek artisau-gozogintzaz, errozkilaz eta euskal pastel tipikoez goza dezakete. Bestalde, artisau-postu hauetan kosmetika naturala, fruitu lehorrak eta txosnak aurkitu dezakezu, baita talo tradizionalaz gozatu.
Eguerdian, babarrun jana hasten da eta arratsaldean, berriz, jende guztiarentzat prestatutako ekitaldiak. Jardueren artean puzgarriak, kontzertuak, Gargantua eta euskal dantzak aurki dezakezu. Azkenik festa Plaza Berrian amaitzen da zezensuzkoarekin.
Explora tus intereses en Álava
No hay dos viajeros iguales. Unos buscan naturaleza, otros festivales… Sea lo que sea lo que te interese, descubre tu plan perfecto.
VER TODOS LOS PLANES
NATURALEZA
CULTURA
FESTIVALES
MUSEOS
COMPRAS
GASTRONOMÍA
SENDERISMO
PATRIMONIO