Fiesta de la vendimia

Mahats biltzearen Jaia

Mahats biltzearen Jaia

Mahats biltzearen Jaia mahatsa biltzen hasi baino egun batzuk lehenago ospatzen da Arabako Errioxan. Ospakizun jendetsu hori ibiltaria da eta 1994an hasi zen Guardia hirian. Harrezkero, eskualde osotik ibili da bere udalerriak, bizimodua eta ardoa ekonomiaren motor eta kultura balio gisa ezagutarazteko.

Jaia Arabako Errioxako herritarrek ikuspuntu sozial eta ekonomikotik bereizgarrien duten produktua, ardoa, goraipatzeko jardunaldiak bultzatzeko gogotik sortu zen. Egun finkatuta dago eta dituen egitura eta garapena beste mahasgintza-eskualde batzuetan egiten direnetatik bereizten dira eta arabar zapore sendo eta erakargarria dauka.

Bestalde, ibiltaria izanik, jaian eskualde osoak parte hartzea lortzen du, urtez urte haren edukia biziberrituz.

Mahats biltzearen Jaia hasteko, “Mahats biltze Sariak” Errioxa Jatorri-deitura Kalifikatua duten ardoen lehiaketako sariak ematen dira eta, ondoren, pregoi tradizionala egiten da, urte hauetan, kirol, kultura, hedabide eta gizarteko pertsona ospetsuek eskainia, zeinak Arabako Errioxako enbaxadore bihurtzen baitira.

Mahatsa zapalduta eta lehen muztioa dastatuta, ibilbidea egiten da herri antolatzailetik ardoa dastatuz, herrien eta upeltegien arabera sailkatuta.

Ardoa, derrigorrezkoa denez, Arabako Errioxaren logotipoa duen kristalezko kopa fin batean dastatzen da, kopa hori egunaren oroigarri berezia ere izanik. Dastaketarekin batera, jarduerak, haur jolasak, tokiko folklorearen erakustaldiak, erakustaldi gastronomikoak, musika, etab. ere badaude, ekitaldia aisialdi eta  bizikidetzarako jardunaldi bihurtuta.

Lehenago Arabako Errioxako ardoa kalitate handiko beste produktuak senidetzeko jardunaldi bat egiten da eta, era berean, jarduera paraleloen artean Errioxa Jatorri-deitura Kalifikatuko Ardoen Lehiaketa eta Argazki lehiaketa azpimarratu behar dira. Ardo lehiaketan Errioxako hiru azpizonetako ardoen adibiderik onenak lehiatzen dira.

Hitzordua oso jendetsua izatea ez da oztopo; izan ere, boluntario talde bat dago, eguna erraz eta atseginagoa egiteko prest beti.

 

Argazki-galeria 

GUARDIAKO TURISMO BULEGOA

Kale Nagusia, 52 –Garcetas Etxea- Guardia

 

 

945 600 845

 

 

turismo@laguardia-alava.com 

 

GUARDIA-ARABAKO ERRIOXAKO KUADRILLA

Gasteizerako errepidea, 2 - Guardia

 

945 600 252

 

info@cuadrillariojaalavesa.com

 

Astelehenetik ostiralera

10:00etatik 14:00etara eta 16:00etatik 19:00etara

 

Larunbatetan

10:00etatik 14:00etara eta 17:00etatik 19:00etara

 

Igande eta jaiegunetan

10:45etik 14:00etara

ARABAKO ERRIOXAKO ARDOAREN IBILBIDEA

Kale Nagusia, 68 - Guardia

 

945 600 710

 

info@rutadelvinoderiojaalavesa.com

 

Mahats-bilketaren Jaiaren webgunera joan