Mina Lucía - arabaturismo

Lucia Meategiak ateak irekiko ditu mende batez isiltasunean eta iluntasunean egon ondoren, zorroztasunean, errespetuan eta jasangarritasunean oinarritutako ibilbide turistikoa eskaintzeko, eta meatzaritzan oro har eta asfalto naturalen meatzaritzan bereziki aritu zirenen bizitza modu atsegin eta didaktikoan zabaltzeko.

Bisitariak 300 metro inguru ibiliko dira Arabako Mendialdeko Atauri herri txikian dagoen meatze aztarnategi hau ustiatzen jardun zen berrogeita hamar urteetan pikotx eta palaz zulatutako galerietan zehar, eta hormetatik sortzen den asfalto naturala nola ateratzen zen ikusiko dute.

Lucia Meategia 1872tik joan den mendeko hogeiko hamarkadara bitartean egon zen martxan, eta garai hartan Arabako Mendialdean zeuden asfalto meatze naturalen adibidea da. Mina Luciako eta eskualdeko beste ustiategi batzuetako asfaltoak hainbat proiektutarako erabili ziren, besteak beste, hurbil dagoen Maeztu herriko frontoia, Madrilgo Burtsa eraikina edo Parisko zenbait kale.

Gaur egun, bisitak egin daitezken gunea dugu, turismo eta natura turismoa batzen dituena, baita berezitasun geologikoa ere, eta, hain zuzen ere, Europa osoan bisita daitezkeen asfalto naturalen bi meatzeetako bat da.

Tenperatura eta hezetasun baldintza naturalei esker, Lucia Meategiko galerietako hormek asfaltoa sortzen dute oraindik ere, nahiz eta ustiatzeari orain dela ehun urte utzi asfalto naturalaren ordez erabiltzen hasi ziren beste material batzuk agertu zirelako eta, horren ondorioz, aztarnategi horiek jada errentagarriak ez zirelako.

Bisita gidatuak bakarrik. Bisita gidatuei buruzko informazioa 639 310 779 telefonoan.