Turismo planen deskargak - arabaturismo
Turismo industriala modu liluragarria da industrializazioaren historia aberatsa, langile-ondarea eta haren aztarna sakona esploratzeko eta ulertzeko. Turismo-mota honen muina zera da, industria iraultzan eta gizarte modernoaren garapenean funtsezkoak izan ziren lekuak, eraikinak, makineria eta prozesuak deskubritzea eta preziatzea.
Arabak bazter liluragarriak dauzka, haietan arnasa sakon hartu, begiak itxi eta burua nahiz bihotza irekitzeko… Horregatik, bazter horietan guztietan galtzea da Araba ezagutzeko erarik onena. Jarraian proposatuko dizkizugun sei Touring ibilbideen bitartez sentsazio intimo eta sakonak bizitzera bultzatuko zaituen lurralde batean murgiltzera gonbidatuko zaitugu. Ibilbide horietan barrena ametsetakoak diruditen espazio naturalak daude zure zain.
Lurralde honek, txikia izan arren, kontraste ugari ditu paisaia aldetik. Era berean, eskaintza zabala du turismo baliabideei dagokienez. Horrek helmuga desberdina eta dibertigarria egiten du familia osoarentzat. Ibilaldian euskal nortasunaren, folklorearen, artisautzaren eta ezaguna den gastronomiaren xehetasunak ikus ditzakezue, edo, bestela, historia museoak edo museo garaikideak bisitatuz, herri honetako historian koka zaitezkete.
Edertasun handiko parke naturaletan barna mendi ibilaldiak egin di akezue, edo bide
berdeetan zehar bizikletaz ibili; gera zaitezte hegaztiak ikustera edo har ezazue bainu
bat uren kalitatearengatik bandera urdina duten barne hondartzetan.
Arabak, jatorriz, lotura handia izan du urarekin, bai bizi euskarri gisa, bai jarduera ekonomikoaren motor gisa. Urak lau alboetatik zeharkatzen du lurraldea, ibai, ur jauzi, barruko hondartza, urtegi, laku, ibai-igerileku, sakan zein hezeguneen bitartez.
Urak zentzu produktiboa edo naturala baino esanahi zabalagoa hartzen du gida honetan; izan ere, lehen mailako baliabide turistiko bilakatzen da. Ongi etorri Arabara, uraren lurraldea.
Erdi Aroko dorretxeak, gotorlekuak, hiribildu harresituak, jauregiak eta gazteluak barreiatzen dira probintziaren luzezabaletan, zeinek historia eta mende ugari dauzkaten murruetan gordeta.
Artziniega eta Guardia herriek Arabako lurralde historikoaren muga geografikoak ixten dituzte iparraldetik eta hegoaldetik, hurrenez hurren. Bien artean ehun kilometro baino zertxobait gehiago dagoen arren, kultura eta historia partekatzen dute: ondo baino hobeto zaindutako Erdi Aroko hiriguneak, defentsarako dorre eta harresiak, eta kalitate handiko ardo bihurtzen diren mahastiak.
Zaratarik gabe, kerik gabe, kutsadurarik gabe... auto elektrikoa mugikortasuna iraultzen ari da munduan, eta Araba da baliabide turistikoetatik hurbil dauden karga-azpiegituretan oinarritutako proposamena egin duen lehen lurraldea.
Arabara bisitan datozen pertsonek esperientzia sekulakoak eta ezin ahaztuzkoak biziko dituzte. Esaterako, gatz haran batean barneratzea, oinez nahiz bizikletan ibilaldiak egitea Arabako natura emankorraz inguratuta, museo originalak eta ondare oparoa ikustea, edo munduko ardo onenetarikoak dastatzea mendeak dituzten upategietan.
Badakizu Araba dela N-1 errepideko erreiak bikoiztuta dauden lurralde bakarra?
Iparraldetik bazatoz, minutu batzuetan zeharkatuko duzu Araba. Baina inorako presarik ez badaukazu… Zergatik ez duzu zeharbidea hartzen bihurgune batzuk gehiago gozatzeko eta gu hobeto ezagutzeko? Lau proposamen desberdinak egiten dizkizugu paisaia naturalak disfrutatu ahal izateko, eta gainera gure lurraldeko kultura eta gastronomia sakonki ezagutzeko aukera izango duzu.
Zure asmoa edozein delarik ere, hamaika aukera ditugu eskaintzeko. Plan ezohikoak, atseginak eta ahaztezinak!
Zugandik oso hurbil, paisaia paregabeak daude, mundu zaratatsutik urrun. Errealitatetik ihes egiteko parajeak. Hemen, aire garbia arnastuko duzu nonahi. Zuretzat eta zure ingurukoentzat.
Arabak inguru paregabea eskaintzen du errutinatik ihes egin nahi duten bikoteentzako jomuga gisa, bai eta eskaintza ia amaigabea ere, enogastronomiari, kulturari eta naturari dagokienez, elkarrekin gozatu nahi dutenentzat.
Bilatzen ari zaren hori dugu Araban. Natura, ondarea, kultura, enogastronomia… Gure lurraldeko zoko guztietan daude sekretuak aurkitzeke, historia eta kultura ikasteke, bideak ibiltzeke eta jaki gozoak dastatzeke. Gure ateak zabal-zabalik dituzte bidaiari guztiek, batik bat mugikortasun urria edo dibertsitate funtzionalen bat dutenek.
Kirola eta naturako jarduerak egiteko lurralde ezin hobea da Araba. Herrialde honetako lurraldearen ia hiru laurdenek mota bateko edo besteko babesa daukate, beraien biodibertsitate aberatsagatik, paisaiagatik edo berezitasunagatik. Horrela, eremu ezin hobea da zure kirol gogokoena eta natura bateratzeko.
Arabako gastronomiak zaletasuna, tradizioa eta berrikuntza ekartzen ditu. Kalitatezko lehengaiekiko zaletasuna, gure aurretik ibili diren sukaldarien belaunaldien errezetak eta platerak leialtasunez gordetzeko tradizioa eta sukaldaritza berrian berezko nortasunarekin nabarmentzeko gaitasunean islatutako berrikuntza.
Dastatu gabe ezin gera zaitezkeen zaporeen gida.
Bide politak eta bidezidor ezkutuak zeharkatuz gure ingurunea ezagutuko duzu. Haren ehun urteko arteek, basoek, animaliek, zokoek... liluratu egingo zaituzte.
Walking & Running-ek zazpi ibilbide eskaintzen dizkizu, bat Araba osatzen duten eskualde edo kuadrilla bakoitzeko, mendi ibilaldiak, running-a edo trail runnig-a egiteko. Ibilbide guztiak igarotzen dira oso irisgarriak diren paisaia zoragarrietatik zehar, zeinak kokagune estrategikoetan baitaude daukaten interes turistikoagatik eta espazio babestuak izateagatik. Azkar, etor zaitez Arabak eskaintzen dizun paisaia eta kultura dibertsitatea ezagutzera!
360º-ko gida honek zenbait natura-baliabide biltzen ditu: lorategiak, ibilbideak, hiri parkeak, begiratokiak, aparteko basoak eta abar, kontenplazio lasairako eta natura hurbilenekoaz eta egunerokoenaz gozatzeko gonbita eginez.
Galdu zaitez Araban Barraskillo eta Perretxinekin.
Araba ezagutzeko ipuina da, metafora eta istorioen bidez; gaizto beldurgarri baten aurka egiten duen protagonista batekin.
A rabako Foru Aldundiak eta Gasteizko Udalak ongietorria eman nahi dizu saskibaloi egun batzuez goza dezazun.
Gidaliburu honen bidez, bidea erraztuko dizugu zure bidaiaz gozatu eta etekin handiena atera diezaiozun gure hiriburuan, Gasteizen, zein Arabako lurralde osoan.
Arabako Foru Aldundiak eta Vitoria-Gasteizko Udalak ongietorria egin nahi dizugu futbolaren inguruko asteburu guztiz atsegingarriaz goza dezazun.
Gidaliburu honen bidez, bidea erraztuko dizugu zure bidaiaz gozatu eta etekin handiena atera diezaiozun gure hiriburuan, Gasteizen, zein Arabako lurralde osoan.