Busti zaitez Araban - arabaturismo

Eguraldi ona heltzen denean, bainu bat hartu edo ibilbide errazak egin nahi ditugu lurraldeko paisaia ikusgarriez gozatzeko. Araba paradisu naturala da, non hondartzak, urtegiak, aintzirak, hezegunean edota igerileku naturalak aurkitu dezakegu. Araba aukera ugari ditu etxetik oso gertu paisaia harrigarri eta paregabeekin gozatzeko.

Frendedoko Igerileku Naturalak. Arabako Mendialdeko Kuadrilla

Izkiko Parke Naturaletik oso gertu, Santikurutze Kanpezun, lurraldeko igerileku natural harrigarrientetako bat aurkitzen dugu. Fresnedoko igerileku naturala. Plan ezin hobea da familia arteko ihesaldi baterako. Goza ezazu piknik egun batez bere aisialdi-gunean, Izki ibaiaren ertzean.

Ur bidea. Añanako Kuadrilla

Berganzon Euskadiko ur-jauzi harrigarrienetako bat aurituko dugu, Herrerias ur-jauzia. Bertara iristeko Ur Bidea egin behar dugu. Berganzotik abiatu eta Inglares ibaiaren ibilgua zeharkatzen duen ibilbide biribil ederra hartu behar da. Familian egin daitekeen ibilbide xume bat da, ur kristalinozko ur-jauzi eta azkar ederrekin.

Zaldibartxoko Putzuak. Gorbeialdeako Kuadrilla

Sarriraino hurbilduz gero, Gorbeiako Parke Naturalean dauden Zaldibartxoko putzuekin egingo dugu topo. Horien ondoan, landa eder bat dago atseden hartzeko eta udako egun eguzkitsuaz gozatzeko Baias ibaiko ur hotz eta kristalinoetan. Bere ingurunea ezin hobea da mendi-ibilak edo espeologia egiteko.

Ebro ibaiko sotoa. Arabako Errioxako Kuadrilla

Arabako hegoaldean, zehazkiago Lapuebla de Labarcan, Ebro ibaiaren inguruko mahasti-itsasoen arteko ibilbide ederra egin dezakegu. Atseden une bat nahiago badugu, La Póveda parkea aurkituko dugu, piknik gunea eta txikientzako jolas gunea dituena. Gainera, Ebro ibaiko sotoak kayakarekin nabigatzeko aukera ematen digu.

Maroñoko urtegia. Aiarako Kuadrilla

Arespalditzatik oso gertu, Arabako ikuspegi politenetako bat aurkituko dugu. Gorobel mendilerroak babesten du Maroñoko urtegia, Izoria ibaiko urek bustitzen dute urtegia. Zelai berde zabala du, baita udako egun zoragarri bat igarotzeko egokitutako gunea. Gainera, arrantza egiteko edo mendi-ibilaldiak egiteko aukera dago. 

Toberiako ur-jauzia. Arabako Lautadako Kuadrilla

 

Arabako Lautadak Arabako hondartza ezagunenetako batzuk ditu: Garaio eta Landa. Baina oraingo honetan Asparrenara hurbilduko gara eta ibai-ikuskizunaz gozatuko dugu. Toberiako ur-jauziraino iristeko, Andoinen hasi eta Sierra Entziako iparraldeko isurialdea zeharkatzen duen ibilbidea egingo dugu.